जळगाव : प्रतिनिधी
विषारी औषध प्राशन केलेल्या साजन भगवान गायकवाड (३१, रा. आसोदा, ता. जळगाव) यांचा उपचारादरम्यान मृत्यू झाला. या प्रकरणी तालुका पोलिस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, तालुक्यातील आसोदा येथील साजन गायकवाड यांनी २८ ऑगस्ट रोजी विषारी औषध सेवन केले होते. नातेवाइकांनी त्यांना शासकीय वैद्यकीय महाविद्यालय व रुग्णालयात दाखल केले होते. उपचार सुरू असताना गुरुवारी (५ सप्टेंबर) त्यांचा मृत्यू झाला. याप्रकरणी तालुका पोलिस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ दिनेश चव्हाण करीत आहेत.
