लाईव्ह महाराष्ट्र न्यूज । वीज बिल भरण्याच्या नावाखाली भुसावळ येथील डॉक्टर दाम्पत्याला इलेक्ट्रीक ऑफीसर असल्याची बतावणी करून बँक खात्यातून परस्पर ३ लाख ९९ हजाराची ऑनलाईन फसवणूक झाल्याचा प्रकार समोर आला आहे. याप्रकरणी जळगाव सायबर पोलीसात गुन्हा दाखल करण्यात आला आहे.
सविस्तर माहिती अशी की, फिर्यादी हे भुसावळ शहरातील एका मल्टिस्पेशातील हॉस्पीटलचे डॉक्टर आहे. २३ आणि २४ जानेवारी रोजी त्यांच्या त्यांच्या मोबाईल क्रमांकावर एक मॅसेज आला. त्यात ईलेक्ट्रिसीटी ऑफीसर रोहित असे नाव सांगून वीज बिल भरण्यासाठी त्यांना एक लिंक पाठविली. लिंक ओपन करून डॉक्टरांनी त्यांच्यासह त्यांच्या पत्नी यांच्या बँकेची सर्व माहिती दिली. समोरील रोहित नावाच्या व्यक्तीने दोघांच्या खात्यातून सुमारे ३ लाख ९८ हजार ९९९ रूपये परस्पर काढून घेतले. आपली फसवणूक झाल्याचे लक्षात आल्यानंतर डॉक्टरांनी सोमवारी २४ जानेवारी रोजी सायंकाळी ६ वाजता धाव घेवून तक्रार दिली. याप्रकरणी जळगाव सायबर पोलीस ठाण्यात गुन्हा दाखल करण्यात आला आहे. पुढील तपास पोलीस निरीक्षक लिलाधर कानडे करीत आहे.
