यावल : प्रतिनिधी
तालुक्यातील डांभुर्णी गावात राहणाऱ्या एका प्रौढ व्यक्तीने आजाराला कंटाळून आपल्या राहत्या घरात गळफास घेत आत्महत्या केल्याची घटना उघडकीस आली आहे. याबाबत पोलीस ठाण्यात नोंद करण्यात आली आहे. धनुष भागवत कोळी (वय ५८) असे मयताचे नाव आहे.
मिळालेल्या माहितीनुसार, धनुष कोळी यांचे कुटुंब खाजगी कंपनी नौकरीच्या निमित्ताने भोपाळ मध्यप्रदेश येथे स्थायिक झाले असुन, धनुष हे आजाराने त्रस्त झाल्यामुळे मागील चार ते पाच महीन्यापासुन आपल्या मुळ डांभुर्णी गावात येथे राहात होते. आज दि.१ सप्टेंबर रविवार रोजी सकाळी ८ वाजेच्या सुमारास धनुष कोळी यांनी आपल्या डांभुणी गावातील वाल्मीक नगर मधील घरात गळफास घेत आत्महत्या केली. याबाबतची खबर मयताचा मुलगा विशाल धनुष कोळी दिल्यावरून यावल पोलीस ठाण्यात अकस्मात मृत्युची नोंद करण्यात आली आहे. पुढील तपास पोहेकॉ नरेन्द्र बागुले हे करीत आहे मृत्युचे कारण स्पष्ठ होवु शकले नाही मात्र मागील काही दिवसापासुन ते आजाराने त्रस्त झाले होते त्यामुळे त्यांनी आजारास कंटाळून धनुष कोळी यांनी आत्महत्या केली असावी असा प्राथमिक अंदाज आहे. मयताच्य मृतदेहाचे शवविच्छेदन यावलच्या ग्रामीण रुग्णालयात करण्यात आले.
