धरणगाव : प्रतिनिधी
येथील एरंडोल रस्त्यावरील गुड शेफर्ड शाळेसमोर रस्त्यावर दुचाकी (एमएच- १९, एव्ही- ९५३२) ने नीलेश झगडू सोनवणे (वय ३३) व त्याचा भाऊ अजय झगडु सोनवणे (वय ३०) हे दोन्ही घरी जेवणासाठी तालुक्यातील बांभोरी येथे जात होते. या वेळी अचानक मागून आलेल्या ट्रक (एमएच- १८, एम- ४५३३) ने त्यांच्या दुचाकीला जबर धडक दिली.
या अपघातात जागीच नीलेश सोनवणे याचा मृत्यू झाला. तर अजय सोनवणे यास गंभीर इजा झाली आहे.या घटनेनंतर ट्रकचालक फरार झाला आहे. याबाबत सुरेश गोपाल अहिरे यांनी दिलेल्या माहितीवरून ट्रक चालकावर धरणगाव पोलीस ठाण्यात गुन्हा दाखल करण्यात आला आहे. तपास पो.हे.कॉ. सत्यवान पवार करत आहेत.
