जळगाव : प्रतिनिधी
शहरातील ए.बी. पार्क परिसरात महिलेचे बंद घर फोडून घरातून ७१ हजार रुपये किमतीचे सोन्याचे दागिने आणि रोकड असा मुद्देमाल चोरून नेल्याची घटना सोमवारी सायंकाळी ६:३० वाजता समोर आली आहे. यासंदर्भात मंगळवारी दुपारी १ वाजता रामानंदनगर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, भाग्यश्री संदीप जोहरे (वय ३५, रा. ए.बी. पार्क) या महिला आपल्या परिवारासह वास्तव्याला आहे. २२ ऑगस्ट ते २६ ऑगस्ट त्या कुटुंबासह बाहेरगावी गेल्यामुळे त्यांचे घर बंद होते. याचा फायदा घेत अज्ञात चोरट्यांनी बंद घराच्या दरवाजाचे कुलूप तोडून आत प्रवेश करत घरातून सोन्याचे दागिने व रोख रक्कम, असा एकूण ७१ हजार रुपये किमतीचा मुद्देमाल चोरून नेला.
