मुक्ताईनगर : प्रतिनिधी
मालवाहू वाहतूक करणारे वाहन थांबवून वाहनधारकास मारहाण करून लूट केल्याची घटना २६ रोजी रात्री डोलारखेडा परिसरात घडली. याबाबत मुक्ताईनगर पोलिसात ५ जणांविरुद्ध गुन्हा दाखल करण्यात आला आहे.
मिळालेल्या माहितीनुसार, मुक्ताईनगर तालुक्यातील डोलारखेडा जंगल परिसरातील रस्त्याने दीपक इच्छाराम पाटील (४१, रा. बोरखेडा, ता. धरणगाव) हा सोमवारी रात्री साडेआठ वाजेच्या सुमारास मालवाहू वाहनाने (एम. एच. १९/ सी. वाय. ८१४९) जात असताना जीप मधून येत पाच जणांनी समोरुन दीपक पाटील यांच्या वाहनाचा रस्ता अडवला व दीपक यास विनय प्रमोद चौधरी (रा. शिरसोदा, ता. जि. बन्हाणपूर), राहुल तायडे व आकाश रवींद्र पाटकर (दोन्ही रा. इच्छापूर, ता. जि.बन्हाणपूर), सौरव उखा पाटील आणि राजू बेलदार (दोन्ही रा. अंतुर्ली, ता. मुक्ताईनगर यांनी बेदम मारहाण करून त्याच्या खिशातील ५७०० रुपये रोख, मोबाईल आणि इतर साहित्याची जबरी लूट केली व पळून गेले. याबाबत मुक्ताईनगर पोलिसात गुन्हा दाखल करण्यात आला आहे.
