लातूर वृत्तसंस्था । शहरातील विशाल नगरमध्ये साई मंदिराच्या समोर भरदिवसा कोयत्याने वार करून विद्यार्थ्याची हत्या केल्याची धक्कादायक घटना घडली. एमआयडीसी पोलीस ठाण्यात गुन्हा दाखल करण्याचे काम सुरू आहे.
लातुरच्या दयानंद महाविद्यालयातील विज्ञान शाखेचा विद्यार्थी असलेला राहुल सुरेश उजळंबे आणि काही मुलांमध्ये विशाल नगर मधील साई मंदिरासमोर रविवारी साडेबाराच्या सुमारास वाद झाला आणि या मुलांनी राहुलवर कोयत्याने वार करत घटनास्थळावरुन पसार झाले.
पोलिसांना माहिती मिळताच एमआयडीसी पोलिस घटनास्थळी तात्काळ दाखल झाले. राहुलला शासकिय रुग्णालयात दाखल करण्यात आले मात्र काही वेळातच त्याची प्राणज्योत मालवली. घटनास्थळी एक हत्यार सापडले असून या प्रकरणी एमआयडीसी पोलिस फरार मुलांच्या शोधात आहेत.
