भडगाव : प्रतिनिधी
तालुक्यातील शिवाजी नारायण पाटील (६०) यांच्या दुचाकीला अज्ञात वाहनाने धडक दिल्याने त्यांचा जागीच मृत्यू झाला. रविवारी सकाळी ७ ते ८ वाजेच्या सुमारास धुळे-पारोळा महामार्गावर फागणे गावानजीक अन्वर नाला पुलावर ही घटना घडली. शिवाजी पाटील हे धुळे येथे मुलीकडे गेले होते. रविवारी सकाळी सावदे येथे गावी जाण्यासाठी निघाले. वाटेत पाऊस सुरु झाला म्हणून त्यांनी पत्नी छायाबाई यांना पारोळा बसमध्ये बसवले व ते आपल्या दुचाकीने निघाले असताना हा अपघात घडला.
शिवाजी पाटील यांच्या पत्नी छायाबाई गावाच्या पोलिस पाटील आहेत. घटनेनंतर त्यांना पारोळा येथे घेण्यास गेले. पती शिवाजी पाटील यांनी काळजीपोटी पत्नीला बसमध्ये बसवले. म्हणून त्या बचावल्या. ०१५-१६ वर्षापूर्वी फागणेनजीक शिवाजी पाटील यांचा लहान मुलगा हर्षल बहीण-भावासोबत दुचाकीने येत असताना एका वाहनाच्या धडकेत मृत्यू पावला होता. इतर दोघे बहीण-भाऊ बचावले. दोन्ही पश्चात पत्नी, बंधू, मुलगा व मुलगी असा परिवार आहे.
