जळगाव : प्रतिनिधी
धावत्या रेल्वेचा धक्का लागल्याने अविनाश सुरेश देवरे (२७, रा. नशिराबाद, ता. जळगाव) या तरुणाचा मृत्यू झाला. ही घटना शनिवारी (२४ ऑगस्ट) रात्री ११ वाजता भादली रेल्वे स्थानकाजवळ उघडकीस आली.
मिळालेल्या माहितीनुसार, अविनाश देवरे हा तरुण औद्योगिक वसाहत परिसरातील एका कंपनीत कामाला होता. शनिवारी भादली रेल्वे स्थानकाजवळ रेल्वे रुळ ओलांडत असताना धावत्या रेल्वेखाली आल्याने त्याचा मृत्यू झाला. घटनेची माहिती मिळाल्यानंतर नशिराबाद पोलिस ठाण्याचे कर्मचारी घटनास्थळी पोहोचले व मृतदेहाचा शासकीय वैद्यकीय महाविद्यालय व रुग्णालयात पाठविला. अविनाश हा घरातील कर्ता व्यक्ती होता, मयताच्या पश्चात आईवडील, भाऊ, बहीण असा परिवार आहे
