जळगाव : प्रतिनिधी
जळगाव शहर लगत असलेल्या मोहाडी गावात मागील ५० वर्षापासून मोहाडी गावठाण व जिल्हा समाजातील नागरिक कायमस्वरूपी रहिवासी झाले होते. परंतु सदरील रहिवाशांना आपल्या घराचे पक्के उतारे मिळावे ही स्व. भिलाभाऊ सोनवणे यांचे स्वप्न जळगाव जिल्ह्याचे पालकमंत्री मा.ना. गुलाबरावजी पाटील यांच्या माध्यमातून माजी जिल्हा परिषद सदस्य पवनभाऊ भिलाभाऊ सोनवणे यांनी पूर्ण केले आहे.यामुळे मोहाडी गावातील गावठाण व भिल्ल समाजाच्या वस्तीवरील जागेची व घरांचे सर्वे करून त्यांना देखील पक्के उतारे देण्यात आले आहे.
स्व. भिलाभाऊंचे स्वप्न मा. ना. गुलाबरावजी पाटील यांच्या माध्यमातून पूर्ण करत असल्याचा मनस्वी आनंद होत असून कष्टकरी, शेतकरी, शेतमजूरी करून उदरनिर्वाह करणाऱ्या कुटुंबांनाकित्येक वर्षापासून प्रलंबित असलेला प्रश्न मार्गी लागल्याने मनापासून आनंद होत असून यापुढे देखील पालकमंत्री महोदय यांच्या माध्यमातून विविध स्तरावर प्रलंबित असलेले प्रश्न मार्गी लावण्यासाठी प्रयत्नशील राहणार असल्याची भावना माजी जिल्हा परिषद सदस्य पवनभाऊ भिलाभाऊ सोनवणे यांनी केली आहे.
