यावल : प्रतिनिधी
शेतात कामासाठी मजूर घेऊन जाणाऱ्या ट्रॅक्टरची ट्रॉली उलटली. या अपघातात चार शेतमजूर जखमी झाले. ही घटना सोमवारी सकाळी ९ वाजेच्या सुमारास यावल शिवारात घडली. यातील दोघांना जळगाव येथे हलविण्यात आले असून एकाची प्रकृती गंभीर असल्याची माहीती वैद्यकीय सूत्रांनी दिली.
मिळालेल्या माहितीनुसार, यावल येथील प्रमोद नमाडे यांच्या शेतात सोमवारी शेती कामासाठी मजूर घेऊन जात असताना ट्रॅक्टरची ट्रॉली अचानक पलटी झाली. या अपघातात राहुल वासकर बारेला, सागर अशोक मालाचे, पंडू सालदार बारेला व भुरा भय्या बारेला हे मजूर जखमी झाले. उपचारासाठी चौघांना यावलच्या ग्रामीण रुग्णालयात दाखल करण्यात आले. डॉ. प्रशात जावळे, वैद्यकीय अधिकारी डॉ. प्रीतम सोमनाथे यांनी तातडीने प्रथमोपचार केले. यातील दोघांना जळगाव येथे पुढील उपचारासाठी रवाना केले आहेत. यापैकी एकाची प्रकृती ही गंभीर आहे.
दरम्यान घटनेची माहिती मिळताच भाजप वैद्यकीय आघाडीचे जिल्हा सरचिटणीस डॉ. कुंदन फेगडे यांनी यावलच्या ग्रामीण रुग्णालयात धाव घेत जखमींना मदत केली. याप्रसंगी भाजप तालुकाध्यक्ष उमेश फेगडे, ओबीसी सेलचे जिल्हा उपाध्यक्ष हेमराज फेगडे यांनी रुग्णांना सहकार्य केले.
