रावेर : प्रतिनिधी
तालक्यातील शिंगाडी येथे दि १८ रोजी दुपारी २ वाजेच्या सुमारास शेतमजूर महिलेवर वीज पडून तिचे जागीच मृत्यू झाल्याची घटना घडली असून परिसरातून या घटनेने एकच खळबळ उडाली आहे. मयत महिला मजूराचे नाव जुलेखा बी हैदर शा फकीर (वय ३५) असे आहे.
सविस्तर वृत्त असे कि, सदर महिला ही आपल्या गावातील गावातील महिलांसोबत नेहमी प्रमाणे शेतमजुरी साठी शेतात कामावर जात होत्या. आज रोजी सुद्धा त्या आपल्या गावातील महिलांसोबत शेतात कामाकरीता गेल्या होत्या. दुपारी त्यांचा काम संपल्यावर घरी परत येताना गावातील शिंगाडी शिवारात शैलेंद्र सोपान पाटील यांनी केलेले शेत गट नंबर १५१ या शेतात त्यांच्या आंगवर वीज पडून त्या जागीच पडल्या असता त्यांना ऐनपुर येथे खासगी दवाखान्यात नेण्यात आले. डॉक्टरांनी त्यांना मृत्यू झाला असल्याचे सांगितले. तसेच सुदैवाने त्यांच्या सोबत असलेल्या. इतर महिला त्यांच्यात चालत असतांना अंतर आल्यामुळे इतर महिला बचावल्या अन्यथा याच्यापेक्षा मोठे अनर्थ झाले असते. सदर प्रकरणी निंभोरा पोलिस स्टेशन मध्ये फिर्यादीने दिलेल्या फिर्यानुसार अकस्मात मृत्यूची नोंद करण्यात आली असून प्रेताला शवविच्छेदनासाठी रावेर ग्रामीण रुग्णालयात पाठविण्यात आले.
