जळगाव : प्रतिनिधी
जळगाव शहर विधानसभा मतदारसंघात भाजपामध्ये दोन गट पडले असून विद्यमान आमदाराविरुद्ध मोठा गट सक्रिय झाला आहे. गेल्या चार दिवसापूर्वीच शहरातील जीएम फौंडेशन येथे संकटमोचक गिरीशभाऊ महाजन यांना भाजपाचे जळगाव शहरातील प्रमुख पदाधिकारी भेटले व मामा नको म्हणत भाजपामध्ये चांगलीच खळबळ उडाली आहे.
जळगाव शहर विधानसभा मतदारसंघात महापालिकेत भाजपाला 57 नगरसेवकांचे यश मिळाले होते त्यातले 27 नगरसेवक दोन वर्षांपूर्वीच फुटले त्यानंतर उर्वरित 20 नगरसेवकांपैकी जवळपास 13 नगरसेवकांनी बंडाचा पवित्रा मामा विरुद्ध घेतला आहे. तसेच यात शहरातील प्रमुख पदाधिकारी देखील सहभागी आहेत. यामुळे चांगलेच अडचणीत मामा आले आहे. कापसे, सोनवणे, खडके, बेंडाळे, निकम, पाटील, श्रीपाद, कुलकर्णी आधी प्रमुख पदाधिकाऱ्यांनी मंत्री गिरीशभाऊ महाजन यांची भेट घेतली त्यात मामाला विरोध झाला असल्याचे विश्वसनीय सूत्रांकडून समजते. आमच्यापैकी कोणालाही दिले तरी चालेल पण मामा नको नको अशी भूमिका या प्रमुख पदाधिकाऱ्यांनी मांडले असल्याचे विश्वसनीय सूत्रांकडून समजते.
