बंगळूर वृत्तसंस्था । भाडेकरू असलेल्या महिला शिक्षकेला घरमालकाकडून शरीरसंबंध ठेवण्यासाठी धमकी देत तिला अंतर्वस्त्रे भेट दिल्याची खळबळजनक घटना समोर आली आहे. याप्रकरणी पोलीस ठाण्यात तक्रार देण्यात आली आहे.
यात पीडीत शिक्षिकेने दिलेल्या तक्रारीत ती राहत असलेल्या घरमालकाने शरीरसंबंध ठेवण्यासाठी धमकी दिल्याचे नमूद केले आहे. घरमालकासोबत शरीरसंबंध नाही ठेवले तर घर खाली करण्याची धमकी दिल्याचेही त्या महिलेने म्हटले आहे. परंतू आरोप घरमालकाने फेटाळून लावले आहेत. आरोप निराधार असून महिला जाणीवपूर्वक अडकवण्याचा प्रयत्न करत असल्याचा आरोप केला आहे.
पीडित महिला शिक्षिकेनं घरमालकाने वाढदिनी भेट म्हणून अंतर्वस्त्र दिल्याचा आरोप केला आहे. इतकेच नाही, तर ती भेट दिलेली अंतर्वस्त्र घालून दाखवावी अशी मागणी केल्याचेही तिने म्हटले आहे. सोबत फिरायला येण्यासाठीही बळजबरी केल्याचे महिलेनं तक्रारीत म्हटलं आहे. घरमालक ११ जानेवारीला गेटवरुन उडी मारुन घरी प्रवेश केल्याचेही म्हटले आहे. दरम्यान याप्रकरणी महिलेने पोलीसात धाव घेवून घरमालकाविरोधात तक्रारी दिली आहे. या कारवाईत दोषी आढळून आल्यास संबंधित व्यक्तीवर करवाई करणार असल्याचे पोलीसांनी सांगितलयं.
