जळगाव ; प्रतिनिधी
तुम्ही बाजारात जाऊन या, असे सांगत पैसे देऊन आई-वडिलांना बाहेर पाठविल्यानंतर मुकेश नारायणसिंग ठाकूर (३२, सुप्रीम कॉलनी) या तरुणाने राहत्या घरात गळफास घेऊन आत्महत्या केली. ही घटना सोमवारी (१२ ऑगस्ट) दुपारी २ वाजता उघडकीस आली.
मिळालेल्या माहितीनुसार, भाजीपाला विक्रीचा व्यवसाय करणारे मुकेश ठाकूर हे आई, वडील, भावासह सुप्रीम कॉलनीत राहत होते. त्यांची पत्नी दोघं मुलांसह माहेरी गेलेली असताना या तरुणाने आई- वडिलांना बाजारात जाऊन या, असे सांगून त्यासाठी पैसेही दिले. त्यामुळे आई-वडील सुभाष चौकात गेले होते. त्यानंतर घरी कोणीही नसताना मुकेश यांनी गळफास घेतला. दुपारी २ वाजेच्या सुमारास आई-वडील घरी आले, त्या वेळी त्यांनी दरवाजा ठोठावला. मात्र, प्रतिसाद मिळत नसल्याने वडिलांनी खिडकीतून डोकावून पाहिले असता मुलगा गळफास घेतल्याच्या अवस्थेत दिसला. त्या वेळी शेजारील मंडळी व भावाने तरुणाला शासकीय वैद्यकीय महाविद्यालय व रुग्णालयात दाखल केले. तेथे डॉक्टरांनी मयत घोषित केले
