जळगाव : प्रतिनिधी
शहराच्या आमदारांना महापालिकेत सत्तेच्या माध्यमातून नियोजन करता आले नाही. तसेच शहरातील अनेक कामेही विकासात्मक झाली परंतु त्या दर्जाची झाली नाही. भाजपाच्या पाठीशी पारंपारिक असलेला कोळी समाज हा ‘मामा’च्या कामगिरीवर नाराज असल्याचे चित्र सध्या निर्माण झाले आहे. तसेच मराठा समाजही अंतर ठेवून असल्याने आगामी निवडणुकांमध्ये हे चित्र जळगाव शहरासाठी भाजपाला धक्कादायक ठरणार आहे. जळगाव शहर भाजपाचा बालेकिल्ला आहे. परंतु शहरात पाहिजे त्या प्रमाणात लोकप्रतिनिधीकडून जनतेच्या अपेक्षा पूर्ण होताना दिसत नाही.
मामा फक्त मामा पार्टी असे म्हणण्याची वेळ आली आहे. स्वभावाने खूप चांगले आहेत परंतु व्हिजन हे फार नसल्यामुळे शहराची वाताहात होत असतांना दिसत आहे. जळगाव शहरातील रस्त्यांची अवस्था आजही पहा म्हणजे किती लक्ष घालून मामाने हे काम केलेले आहे हे लक्षात येते. आगामी विधानसभा निवडणुकीत जळगाव शहरासाठी फार मोठी धोक्याची घंटा असून भाजपा भाकरी फिरवणार का याकडे लक्ष लागून आहे भाजप नेते नाराज आहेत. परंतु जातीपातीच्या राजकारणामुळे भाजप नेते उमेदवारी कट करतील हे शक्य नाहीये. लोकसभा निवडणुकीत भाजपाने उन्मेष पाटील यांची उमेदवारी कट केली. परंतु मामासाठी हे नेते असे करणार नाही. शेवटी मतांसाठी हे सर्व गणित सुरू आहे. उन्मेष पाटील हा मराठा समाजाचा नेता असला तरी भाजपाला फार काही मोठा फटका बसणार नाही. या भरोशावर ते तिकीट कट केले. परंतु मामाचे वजन सामाजिक प्राबल्य असल्यामुळे भाजपनेते तसे धारिष्ट करतील असे चित्र नाही जागा गमवण्याची दाट शक्यता वर्तवली जात आहे.
