सरपंच राजेश वाडेकर यांनी स्वखर्चाने रूग्णवाहिका नागरीकांसाठी उपलब्ध
प्रतिनिधी प्रविण पाटील । तालुक्यातील वाडदा येथे सरपंच राजेश वाडेकर यांच्या स्वखर्चाने माजी पालकमंत्री तथा जिल्हा बँकेचे चेअरमन गुलाबराव देवकर यांच्या वाढदिवसानिमित्त गुरूवारी सकाळी रूग्णवाहिकेचे लोकार्पण करण्यात आले.
वावडदा परिसरातील रुग्णासाठी वेळीच रुग्णवाहिका उपलब्ध व्हावी यासाठी ना नफा ना तोटा या तत्त्वावर १० लाख रुपये खर्च करून माजी मंत्री तथा जळगाव जिल्हा मध्यवर्ती सहकारी बँकेचे चेअरमन आप्पासाहेब गुलाबराव देवकर यांच्या वाढदिवशी युवा नेते विशालदादा देवकर यांचा हस्ते लोकार्पण करण्यात आले.
यावेळी मजूर फेडरेशनचे चेअरमन लीलाधर तायडे, पुरुषोत्तम चधरी, अजय सोनावणे, निलेश पाटील, तालुकाध्यक्ष बापू परदेशी, कानळदा येथील सरपंच पुडलिक सपकाळे, भैय्या चव्हाण, पाथरीचे निलेश पाटील, संभाजी पाटील वडली, मधुकर पाटील म्हसावद, ईश्वर पाटील वाकडी, समाधान निकुंभ दापोरा, अरुण पवार सरपंच विटनेर, नितीन जैन, बाबू पिंजारी, समाधान सपकाळे, यांचेसह परिसरातील पदाधिकारी व गावातील ग्रामस्थ मोठ्या संख्येने उपस्थित होते.
