जळगाव : प्रतिनिधी
धरणगाव तालुक्यातील झुरखेडा येथे शेतात काम करणाऱ्या गेंदरसिंग वारसिंग पावरा (वय ४१ रा. खरगोन जि. बडवाणी मध्यप्रदेश ह. मु. झुरखेडा ता. धरणगाव) या शेतमजूराला सर्पदंश झाला होता. त्याच्यावर जिल्हा शासकीय वैद्यकीय महाविद्यालयात उपचार सुरु असतांना त्याचा मृत्यू झाला. ही घस्टना बुधवार दि. ७ ऑगस्ट रोजी पहाटेच्या सुमारास घडली. याप्रकरणी जिल्हापेठ पोलीस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, धरणगाव तालुक्यातील झुरखेडा गावात गेंदरसिंग पावरा हा तरूण आपल्या कुटुंबासह गेल्या वर्षभरापासून वास्तव्याला होता. शेतीचे काम करून तो आपला उदरनिर्वाह करत होता. गेंदरसिंग याला सर्पदंश झाल्याने त्याला शासकीय वैद्यकीय महाविद्यालयात उपचारार्थ दाखल करण्यात आले होते. त्यांच्यावर उपचारा सुरू असतांना बुधवार दि. ७ ऑगस्ट रोजी मध्यरात्री सव्वा दोन वाजेच्या सुमारास उपचारादरम्यान मृत्यू झाला. याबाबत जिल्हापेठ पोलीस ठाण्यात अकस्मात मृत्यूची नोंद करण्यात आली आहे.
