मुक्ताईनगर : प्रतिनिधी
शहर व तालुक्यात मोठ्या प्रमाणात गुटखा तस्करी सुरू आहे. पोलिस प्रशासनातर्फे वारंवार कारवाई होत आहे. असे असली तरी गुटखा तस्करी थांबण्याचे नाव घेत नाही. सोमवारी आमदार चंद्रकांत पाटील यांनी गुटखा तस्करी करणारी एक कार पकडली. या कारमध्ये ५ लाखांचा गुटखा आढळला. गुटख्यासोबतच ७ लाखांची कारही जप्त केली आहे.
सविस्तर वृत्त असे कि, मुक्ताईनगर तालुक्याला लागून असलेल्या मध्य प्रदेशातून गुटखा तस्करी मोठ्या प्रमाणात केली जात आहे. सोमवारी सकाळी आमदार चारठाणा येथे जात असताना त्यांच्या सुरक्षारक्षकाने एक संशयास्पद जात असलेले वाहन अडवले असता त्या वाहनात अवैधरीत्या गुटखा तस्करी होत असल्याचे आढळून आले. यानंतर हे वाहन (एम. एच. ०२/ बीएम ८४२५) डीवायएसपी कार्यालयात आणले. या वाहनामध्ये चार लाख ९८ हजार १०० रुपयांचा गुटखा आढळून आला तसेच गाडीची किंमत सात लाख असा एकूण १२ लाखांचा मुद्देमाल जप्त केला. हे वाहन भुसावळ येथे जात असताना पकडण्यात आले. पो. कॉ. विजय कचरे यांच्या फिर्यादीवरून संशयित मोहम्मद अमीर मोहम्मद हनीफ शेख (रा. खडका रोड, भुसावळ) यांच्यावर गुन्हा दाखल करण्यात आला आहे. तपास पोलिस उपनिरीक्षक प्रदीप शेवाळे व त्यांचे सहकारी करीत आहे.
