अमळनेर : प्रतिनिधी
तालुक्यातील वाघोदे येथील ईश्वरलाल चिंधा पाटील (वय ४६) या शेतकऱ्याने शेतीमुळे झालेले कर्ज व यावर्षी ओल्या दुष्काळी परिस्थितीला कंटाळून विष प्राशन करून आत्महत्या केल्याची घटना घटना ३० रोजी घडली.
मिळालेल्या माहितीनुसार, ईश्वरलाल पाटील यांनी २७ रोजी घरीच विषारी द्रव्य प्राशन केल्याने त्यांना धुळे येथे उपचारार्थ हलवण्यात आले. होते. उपचारादरम्यान ३० रोजी तेथे त्यांचा मृत्यू झाला. त्यांची आर्थिक परिस्थिती गरीबीची असून घरातील कमावता व्यक्ती गेल्याने या कुटुंबावर मोठा आघात झाला आहे. त्यांच्यावर विकास सोसायटी आणि सहकार सोसायटी तसेच इतर हात उसनवारीचे कर्ज होते. या कुटुंबास त्वरित शासनाकडून आर्थिक मदत मिळावी, अशी मागणी ग्रामस्थांनी केली आहे. मयत ईश्वरलाल पाटील यांच्या पश्चात पत्नी, २ मुली, मुलगा असा परिवार आहे. या घटनेबाबत धुळे पोलिसात अकस्मात मृत्यूची नोंद करण्यात आली आहे.
