जळगाव : प्रतिनिधी
कामावरून घरी परतत असलेल्या सहायक मोटर वाहन निरीक्षक श्रद्धा महाजन यांच्या दुचाकीला भरधाव दुचाकीने धडक दिल्यामुळे त्या जखमी झाल्या. हा अपघात मंगळवारी (३० जुलै) संध्याकाळी सहा वाजेच्या सुमारास समतानगरजवळ झाला.
सविस्तर वृत्त असे कि, उपप्रादेशिक परिवहन अधिकारी कार्यालयात सहाय्यक मोटर वाहन निरीक्षक असलेल्या श्रद्धा महाजन या रायसोनीनगरकडे घरी जात होत्या. त्या वेळी भरधाव दुचाकीने त्यांच्या दुचाकीला धडक दिली. त्यात त्यांना दुखापत झाली. त्यांना शासकीय वैद्यकीय महाविद्यालय व रुग्णालयात नेऊन उपचार करण्यात आले.
