प्रतिनिधी प्रविण पाटील। तालुक्यातील वसंतवाडी येथील ग्रामपंचायत कार्यालय येथे कोवीड लसीकरण शिबीराचे आयोजन गुरूवारी २० जानेवारी रोजी सकाळी घेण्यात येणार आहे.
याप्रसंगी जळगाव तालुका वैद्यकीय अधिकारी आणि म्हसावद आरोग्य केंद्राचे वैद्यकीय अधिकारी यांच्यामार्गदर्शनाखाली जळके आरोग्य उपकेंद्राचे कर्मचारी हे लसीकरण केंद्रावर उपस्थित राहणार आहे.
यावेळी लसीकरण केंद्रावर १८ वर्षावरील सर्व तसेच प्रथम डोस घेऊन ८४ दिवस पुर्ण झालेले तसेच दुसरा डोस घेऊन ९ महीने पुर्ण झालेल्या लाभार्थ्यांना बुस्टर डोस व १५ ते १७ वयोगटातील मुलांसाठी येथे लसीचे डोस उपलब्ध राहणार आहे. अशी माहिती जळके आरोग्य उपकेंद्राचे आरोग्य सेवक सलीम पिंजारी यांनी दिली आहे. वसंतवाडी गावातील नागरीकांनी कोवीड लसीकरण शिबीराचा लाभ घ्यावा असे आवाहन करण्यात आले आहे.
