जळगाव : प्रतिनिधी
पोक्सोअंतर्गत गुन्हा दाखल असलेल्या चौघांनी फिर्यादी महिलेला फोनवरून शिवीगाळ करीत जिवेठार मारण्याची धमकी दिली. ही घटना दि. २६ रोजी दुपारी तीन वाजता घडली. या प्रकरणी चौघांविरुद्ध अदखलपात्र गुन्ह्याची नोंद करण्यात आली आहे.
सविस्तर वृत्त असे कि, शहरातील आरएमएस कॉलनीत रेखा सुभाष पाटील या महिला वास्तव्यास आहे. त्यांनी सुवर्णा कृष्णा पाटील, कृष्णा पाटील (रा. संत मीराबाई नगर), वंदना अजय पाटील, अजय पाटील यांच्या विरुद्ध पोस्कोअंतर्गत गुन्हा दाखल केला आहे. त्यामुळे दि. २६ रोजी दुपारी त्यांच्या मोबाईल वर कॉल करून त्यांना शिवीगाळ करीत जिवेठार मारण्याची धमकी दिली. तसेच त्याच्या नातेवाईक यांना भेटून आणि फोन वरून त्या महिलेविषयी वाईटसाईट सांगून त्याची बदनामी केली. हा त्रास असह्य झाल्याने महिलेने रामानंद नगर पोलिसात तक्रार दिली. त्यावरून चौघांविरुद्ध अदखलपात्र गुन्ह्याची नोंद करण्यात आली आहे.
