धरणगाव : प्रतिनिधी
धरणगाव पोलीस ठाण्याच्या पोलीस निरीक्षक उद्धव डमाळे यांची जळगाव येथील आर्थिक गुन्हे शाखेत बदली करण्यात आले असून त्यांच्या जागी नागपूर येथील पवन देसले यांची पोलीस निरीक्षक नियुक्ती करण्यात आली आहे. पोलीस निरीक्षक पवन देसले यांची नागपूर नंतर पहिल्यांदाच पोलीस निरीक्षक म्हणून बदली करण्यात आली आहे.
पोलीस निरीक्षक पवन देसले यांनी सहाय्यक पोलीस निरीक्षक म्हणून जळगाव जिल्ह्यातील विविध पोलीस ठाण्यात पदभार घेऊन उल्लेखनीय कार्य कामगिरी केलेली आहे. त्यांनी यापूर्वी मुंबई. धुळे. नागपूर अँटी करप्शन विभाग, जळगाव जिल्ह्यातील, मेहूणबारे आणि नागपूर येथे सहाय्यक पोलीस निरीक्षक म्हणून काम पाहिले. त्यांच्या उल्लेखनीय कामगिरीमुळे त्यांना बढती देऊन धरणगाव येथे पोलीस ठाण्याचा प्रभारीपद म्हणून पोलीस निरीक्षकपदी नियुक्ती करण्यात आली आहे. पवन देसले यांनी जिल्ह्यात पोलीस ठाण्यात सहाय्यक पोलीस निरीक्षक म्हणून काम पाहतांना त्यांनी अनेक गुन्ह्यांचा उलगडा केला होता. त्यामुळे त्यांची डॅशिंग व दंबग पोलीस अधिकारी म्हणून ओळख निर्माण झाली. आता पुन्हा धरणगाव येथील पोलीस ठाण्यात काम करण्याची संधी मिळाल्याने ते आपल्या कामातून मिळालेल्या संधीचे सोने करतील.
जळगाव जिल्ह्यातील पोलीस निरीक्षक व सहायक पोलीस निरीक्षक यांच्या प्रशासकीय बदल्या करण्याचे आदेश जिल्हा पोलीस अधीक्षक डॉक्टर महेश्वर रेड्डी यांनी शुक्रवारी२६ जुलै रोजी रात्री काढले आहे. त्यामध्ये पोलीस निरीक्षक पवन देसले यांची नियुक्ती करण्यात आल्याचे आदेश देण्यात आले आहे.
