जळगाव : प्रतिनिधी
भरधाव वाहनाच्या धडकेत निलेश दिलीप ताकुळदे (वय २८, रा. कुसुंबा, ता. जळगाव) हे गंभीर जखमी झाले. ही घटना दि. २२ जुलै रोजी दुपारी दोन वाजेच्या सुमारास काशिनाथ चौकात घडली. याप्रकरणी वाहन चालकाविरुद्ध एमआयडीसी पोलिसात गुन्हा दाखल करण्यात आला आहे.
सविस्तर वृत्त असे कि, तालुक्यातील कुसुंब तरुण वास्तव्यास आहे. दि. २२ जुलै रोजी तो एमएच १९ बीझेड ८११० क्रमांकाच्या वाहनाने जात होता. यावेळी काशिनाथ चौकात मागून येणाऱ्या एमएच ४१ जी ७६५५ वाहनाने त्यास जोरदार धडक दिली. या अपघातात निलेश ताकळदे हा तरुण गंभीर जखमी णाले असून त्यांच्या दुचाकीचे नुकसान देखील झाले आहे. दरम्यान, तरुणाने पोलिसात दिलेल्या तक्रारीवरुन बाहरचालकाविरुद्ध गुन्हा दाखल करण्यात आला आहे. तपास सफी विजय पाटील हे करीत आहे.
