जळगाव : प्रतिनिधी
तालुक्यातील उमाळे गावाजळील पाझर तलावानजीक मंगळवारी (२४ जुलै) सकाळी अनिल कमलाकर जाधव (३५, रा. उमाळे, ता. जळगाव) हे मृतावस्थेत आढळून आले. त्याच्या मृत्यूचे कारण समजू शकले नाही.
सविस्तर वृत्त असे कि, शेतमजुरी करणारे अनिल जाधव हे आई-वडिलांसह उमाळे येथे राहत होते. सोमवारी (२२ जुलै) रात्री ते घरातून बाहेर गेले होते. मंगळवारी (२३ जुलै) सकाळी सात वाजता उमाळे गावापासून जवळच असलेल्या एका पाझर तलावाजवळ ते पडलेले आढळले. त्यांना शासकीय वैद्यकीय महाविद्यालय व रुग्णालयात दाखल केले असता, डॉक्टरांनी त्यांना मयत घोषित केले. अनिल जाधव हे अविवाहित होते. काही दिवसांपासून ते मानसिक तणावात होते, अशी माहिती त्यांच्या मित्रांनी दिली. मयताच्या पश्चात आई-वडील, दोन भाऊ, विवाहित बहीण असा परिवार आहे
