लाईव्ह महाराष्ट्र न्यूज । हभप जळकेकर महाराज यांनी पालकमंत्री गुलाबराव पाटील यांच्याबद्दल दिलेली प्रतिक्रिया ही संतप्त असून याचा शिवसेनेतर्फे तीव्र निषेध व्यक्त करीत असून हभप जळकेकर महाराज यांनी तोंड सांभाळून बोलावे अशी प्रतिक्रिया शिवसेना जिल्हाप्रमुख डॉ. हर्षल माने यांनी दिली आहे.
खासदार उन्मेश पाटील यांच्या गिरणा परिक्रमासंदर्भात पाचोरा येथे कार्यक्रमात हभप ज्ञानेश्वर जळकेकर महाराज यांनी पालकमंत्री ना. गुलाबराव पाटील यांच्याबद्दल आक्षेपार्ह वक्तव्य केले होते. जिल्ह्यात या वक्तव्याचा शिवसेनेच्या वतीने निषेध करण्यात आला होता. याबाबत जिल्हाप्रमुख हर्षल माने म्हणाले की, आपण काय होतात. राहिला प्रश्न राजकारणाचा हे पूर्ण जिल्हास ध्यात आहे. आपणास कोणी घडविले, आपणास कोणी मोठे केले, ग्रामपंचायत निवडणूकांमध्ये पात्रता नसतांना पालकमंत्री ना. गुलाबराव पाटील यांनी आपणास जिल्हा संघटक केले. त्यामुळे जिथे खाल्ले तिथे घाण करू नये, बोलताना तोंड सांभाळून बोलावे. अन्यथा जो पैदा करु शकतो तो संपवू पण शकतो त्यामुळे पैदा करणाऱ्यास विसरू नये. १२ दिवसात शिवसेनेच्या जीवावर खासदार झालेल्या व्यक्तीसाठी आपण आपली शक्ती व्यर्थ घालू नये, तसेच त्वरित माफी मागावी अन्यथा परिणाम वाइट होतील. असा इशारा दिला आहे.
