नांदेड वृत्तसंस्था । दहा वर्षाच्या चिमुकलीवर अत्याचार केल्याचा आरोप नातेवाईकांनी केला आहे. हा प्रकार नांदेड तालुक्यातील लिंबगाव येथे उघडकीला आला आहे. संशयित आरोपी देखील ११ वर्षीय अल्पवयीन मुलगा असल्याचे समोर आले आहे.
नांदेड जिल्ह्यातील लिंबगाव पोलीस ठाण्याच्या हद्दीत अवघ्या ११ वर्षांने बलात्कार केल्याचा आरोप होत आहे आहे. या मुलाने शेजारच्या मुलीला घराच्या पाठीमागे नेऊन तिच्यावर अत्याचार केले. या प्रकरणी पालकांच्या तक्रारीवरुन लिंबगाव पोलिसांनी गुन्हा दाखल केला आहे. नकळत्या वयात हातात आलेल्या इंटरनेटच्या सहज उपलब्धतेमुळे कोवळ्या बालमनावर दुष्परिणाम वाढल्याची भीती या घटनेमुळे व्यक्त होत आहे. दरम्यान, या अनपेक्षित घटनेमुळे पोलीस देखील चक्रावून गेले असून या प्रकरणाचा तपास सुरु आहे. अल्पवयीन मुलाच्या अत्याचाराला बळी पडलेली पीडिताही अल्पवयीनच आहे. १० वर्षीय मुलीवर अत्याचार झाल्याची धक्कादायक घटना समोर आली आहे. नकळत्या वयात हातात इंटनेट आल्यामुळे हा भयावह प्रकार घडल्याची भीती व्यक्त केली जात आहे. अल्पवयीन पीडितेच्या पालकांच्या तक्रारीवरुन पोलिसांनी गुन्हा दाखल केला आहे
