धरणगाव प्रतिनिधी : पालकमंत्री ना. गुलाबराव पाटील यांच्यावर आक्षेपार्ह विधान करणाऱ्या हभप जळकेकर महाराज यांचा शिवसेनेने तीव्र निषेध व्यक्त केला आहे. पालकमंत्र्यांची प्रतिमा मलीन करू नये अन्यथा शिवसेना स्टाईलने उत्तर दिलेजाईल असा इशारा धरणगाव युवासेना उपशहर प्रमुख विलास महाजन यांनी दिला आहे.
भारतीय जनता पार्टीचे पदाधिकारी व किर्तनकार हभप ज्ञानेश्वर जळकेकर महाराज यांनी पाचोरा तालुक्यात खा. उन्मेश पाटील यांच्या गिरणा परिक्रमेच्या संदर्भातील एका सभेत पालकमंत्री ना. गुलाबराव पाटील यांचे नाव न घेतला “माजलेले रक्त” असे आक्षेपार्ह वक्तव्य केले. हभप जळकेकर यांनी केलेल्या वक्तव्याचा शिवसेनेच्या वतीने तीव्र निषेध व्यक्त करण्यात आला असून
हभप जळकेकर महाराज यांनी पालकमंत्री गुलाबराव पाटील यांचा नामोल्लेख न करता धरणगाव विधानसभेचा उल्लेख केलेला असून जळकेकर महाराज हे आधी शिवसेनेत होते नंतर ते भाजपात गेले आहेत. ना. गुलाबराव पाटील हे लाखांच्या मताधिक्क्याने निवडून येतात यामुळे त्यांची प्रतिमा मालिन करू नये, असा इशारा देत यापुढे सेनेच्या स्टाईलने उत्तर दिले जाईल, असा इशारा धरणगाव युवासेना उपशहर प्रमुख विलास महाजन यांनी दिला आहे.
