जळगाव : प्रतिनिधी
गटारीच्या सांडपाण्याच्या कारणावरून दोन गटांत हाणामारी होऊन एकमेकांना दगड मारून दुखापत करण्यात आली. ही घटना बुधवारी (१० जुलै) शिरसोली येथे इंदिरा नगरात घडली. याप्रकरणी परस्परविरोधी फिर्यादीवरून गुरुवारी (११ जुलै) एमआयडीसी पोलिस ठाण्यात दोन्ही गटांतील आठ जणांविरुद्ध गुन्हे दाखल करण्यात आला आहे.
या प्रकरणी जनाबाई रमेश पाटील (६५) यांनी दिलेल्या फिर्यादीवरून चार जणांविरुद्ध तर उज्ज्वला रवींद्र पाटील (३८) यांनी दिलेल्या फिर्यादीवरून चार जणांविरुद्ध बीएनएस कलम १२५ (अ), ११५ (२), ३५२, ३५१(२), ३(५) प्रमाणे गुन्हा दाखल करण्यात आला आहे. पुढील तपास सहाय्यक फौजदार अधिकार पाटील करीत आहेत.
