पारोळा : प्रतिनिधी
तालुक्यातील जिराळी येथे दि. ८ रोजी दुपारी मजूरांना पिण्याचे पाणी देण्यासाठी गेला असता इलेक्ट्रीक मोटारीचा शॉक लागून एका २१ वर्षीय महाविद्यालयीन तरुणाचा मृत्यू झाल्याची दुर्दैवी घटना घडली. राकेश रामचंद्र पाटील (वय २१) हा तरुण मजूरांसाठी पिण्याचे पाणी भरण्यासाठी गेला असतांना विजेचा धक्का त्यास लागला.
रात्री पारोळा कुटीर रुग्णालयात शवविच्छेदन करण्यात आले. एकुलता एक तरुण मुलगा गेल्याने कुटूंबियांवर दुःखाचा डोंगर कोसळला आहे. जिराळी येथील गुलाब अवचित पाटील यांचा राकेश हा नातु होता
