भुसावळ : प्रतिनिधी
‘ओय, यहां पे अपन की चलती हैं… हम यहां के दादा हैं, हमे रोज सलाम कर’ असे म्हणत चौघांनी तरुणावर प्राणघातक हल्ला केला. ही घटना शहरातील पापानगर भागात नुकतीच घडली. याप्रकरणी चौघांविरोधात भुसावळ बाजारपेठ पोलिसांत गुन्हा दाखल करण्यात आला आहे.
सविस्तर वृत्त असे कि, शहरातील काझी प्लॉट भागातील शेख कासीम शेख सलीम या तरुणाच्या फिर्यादीनुसार गुन्हा दाखल करण्यात आला आहे. जुन्या वादाच्या कारणातून ३० जून रोजी सकाळी साडेदहा वाजता पापानगर भागात शेख दानिशने फिर्यादीचा रस्ता अडवून शिवीगाळ करून मारहाण केली. जाता-येता तुला आम्हाला सलाम करावा लागेल, हम यहां के दादा हैं, असे म्हणत शेख अकिलने हातातील लोखंडी सळई शेख कासीम शेख सलीमच्या डोक्यात मारली. अन्य दोन संशयितांनी शिवीगाळ करीत चापटा-बुक्क्यांनी मारहाण करीत जिवे ठार मारण्याची धमकी दिली. याप्रकरणी आरोपी शेख अकील शेख रशीद, शेख दानिश शेख अकिल, शेख शोएब शेख अकिल, शेख रईद शेख रशीद (रा. पापानगर, भुसावळ) यांच्याविरोधात गुन्हा दाखल करण्यात आला. तपास पोलिस निरीक्षक गजानन पडघन यांच्या मार्गदर्शनाखाली नाईक कांतीलाल केदारे करीत आहेत.
