जळगाव : प्रतिनिधी
शहरातील एका भागात राहणाऱ्या १६ वर्षीय अल्पवयीन मुलीला अज्ञात व्यक्तीने फूस लावून पळवून नेल्याची घटना २२ जून रोजी रात्री १० वाजता घडली. याप्रकरणी मंगळवारी २ जुलै रोजी रात्री एमआयडीसी पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे.
मिळालेल्या माहितीनुसार, शहरातील एका भागात १६ वर्षीय अल्पवयीन मुलगी ही आपल्या परिवारासह वास्तव्याला आहे. दि. २२ जून रोजी रात्री १० वाजता पिडीत मुलगी ही घरी एकटी असतांना तिच्या अज्ञातपणाचा फायदा घेत अज्ञात व्यक्तीने तिला काहीतरी आमिष दाखवत फूस लावून पळवून नेल्याची घटना घडली. पिडीत मुलीच्या नातेवाईकांनी तिचा सर्वत्र शोध घेतला परंतु कोणतीही माहिती मिळाली नाही. अखेर तिच्या पालकांनी मंगळवारी दि. २ जुलै रोजी रात्री एमआयडीसी पोलीस ठाण्यात धाव घेवून तक्रार दिली. त्यानुसार अज्ञात व्यक्तीविरोधात अपहरणाचा गुन्हा दाखल करण्यात आला आहे. पुढील तपास पोलीस नाईक पंकज पाटील हे करीत आहे.
