जळगाव : प्रतिनिधी
तालुक्यातील दुचाकीच्या चोरीच्या घटना सातत्याने घडत असताना नुकतेच नशिराबाद पोलिसांनी चोरीच्या सात दुचाकींसह अट्टल चोरट्याला अटक केली आहे. शाहबाज शेख अब्दुल रहेमान (24, नशिराबाद) असे अटकेतील आरोपीचे नाव आहे. आरोपीने नशिराबाद, जळगावच्या रामानंद, शनीपेठ तसेच जिल्ह्यातील अन्य तीन ठिकाणी दुचाकी चोरी केल्याची कबुली दिली आहे. नशिराबाद येथील प्रणव पाटील यांची दुचाकी चोरीला गेल्यानंतर तपासादरम्यान संशयीताची माहिती मिळताच त्यास अटक करण्यात आली.
यांनी केली कारवाई
ही कारवाई पोलीस उपअधीक्षक कृष्णात पिंगळे, सहाय्यक निरीक्षक रामेश्वर मोताळे यांच्या मार्गदर्शनाखाली हवालदार युनूस शेख, हवालदार शिवदास चौधरी, हवालदार राजेंद्र ठाकरे, कॉन्स्टेबल भरत बाविस्कर, कॉन्स्टेबल पंकज सोनवणे, कॉन्स्टेबर सागर बीडे, कॉन्स्टेबल प्रवीण लोहार, चालक अजीत तडवी आदींच्या पथकाने केली.
