नवी दिल्ली : वृत्तसंस्था
देशातील अनेक भागात गुन्हेगारी घटना घडत असून याचे कारण नेहमीच प्रेम प्रकरण येत असते अशीच एक थरारक घटना बिहार राज्यातील पाटणा जिल्ह्यात घडली आहे. लग्नास नकार देणाऱ्या प्रियकराचे डॉक्टर महिलेने गुप्तांग कापून टॉयलेटमध्ये फेकल्याची भयंकर घटना बिहारच्या सारण जिल्ह्यात घडली आहे. जखमी प्रियकरावर पाटणा स्थित रुग्णालयात उपचार सुरू आहेत.
पोलिसांच्या माहितीनुसार आरोपी महिला डॉक्टर माधोरा येथे नर्सिमंग होम चालवते. तर पीडित तरुण त्या प्रभागाचा नगरसेवक आहे. दोघांत गत 2 वर्षांपासून प्रेमसंबंध होते. दोघांनी नोंदणीकृत विवाह करण्याचा प्रयत्न केला होता. पण ऐनवेळी तरुण लग्नाला आलाच नाही. यामुळे संतापलेल्या महिलेने तरुणाला घरी बोलावून धारदार चाकूने त्याचे गुप्तांग कापले. त्याचा आवाज ऐकूण शेजाऱ्यांनी घटनास्थळी धाव घेतली. त्यांनी त्याला रुग्णालयात दाखल केले. माधोरा पोलिस स्टेशनच्या एसएचओंनी आरोपी महिला हाजीपूरची रहिवासी असल्याचे सांगितले. पुढील तपास सुरू आहे.
