जळगाव : प्रतिनिधी
मंदिराच्या परिसरात धूम्रपानाला विरोध करण्याच्या कारणावरून सुऱ्याने वार करणाऱ्या तिघांना पोलिसांनी अटक केली.
मिळालेल्या माहितीनुसार, रेल्वेस्थानकाजवळील हनुमान मंदिराजवळ दि.२६ जून रोजी ज्ञानेश्वर सोनवणे हे बसलेले होते. त्यावेळी काहीजण धूम्रपान करीत होते. त्यास विरोध केल्याने अक्षय मुकेश अटवाल (२२, रा. शनिपेठ), मयूर धर्मदास सारवान (१९) व अन्य एका जणाने ज्ञानेश्वर यांना मारहाण करण्यासह सुऱ्याने वार केला होता. याप्रकरणी जळगाव शहर पोलिस ठाण्यात गुन्हा दाखल करण्यात आला होता. शहर पोलिसांनी गुरुवारी रात्री तिघांना शनी पेठ परिसरातून अटक केली आहे. पुढील तपास पोहेकॉ रवींद्र पाटील करीत आहेत.
