जळगाव : प्रतिनिधी
राहत्या घरामध्ये गळफास घेतलेले वैद्यकीय प्रतिनिधी दिनेश धर्मा ठाकूर (४७, रा. गौरव पार्क, खोटे नगर) यांचा खासगी रुग्णालयात उपचार सुरू असताना गुरुवारी (२८ जून) रात्री मृत्यू झाला. याप्रकरणी रामानंद नगर पोलिस ठाण्यात आकस्मिक मृत्यूची नोंद करण्यात आली आहे.
मिळालेल्या माहितीनुसार, वैद्यकीय प्रतिनिधी (मेडिकल रिप्रेझेंटेटिव्ह) असलेले दिनेश ठाकूर हे पत्नी व दोन मुलांसह खोटे नगर परिसरात राहत होते. गुरुवारी (२७ जून) त्यांनी राहत्या घरात गळफास घेतला. हा प्रकार त्यांची पत्नी व मुलगा यांच्या लक्षात आल्यानंतर त्यांनी शेजाऱ्यांच्या मदतीने त्यांना खासगी केले. त्यांच्यावर उपचार सुरू असताना रात्री त्यांचा मृत्यू झाला. त्यानंतर मृतदेह शासकीय वैद्यकीय महाविद्यालय व रुग्णालयात दाखल करण्यात आला. शुक्रवारी (२८ जून) शवविच्छेदन करण्यात आले. याप्रकरणी रामानंद नगर पोलिस ठाण्यात आकस्मिक मृत्यूची नोंद करण्यात आली आहे. मयताच्या पश्चात आई, पत्नी, मुलगा, मुलगी, दोन बहिणी असा परिवार आहे.
