जळगाव : प्रतिनिधी
कामानिमित्त धरणगावकडून जळगावकडे येत असलेल्या बापू जंगलू कुंभार (वय ३८, रा. ममुराबाद, ता. जळगाव) या विटभट्टीवरील मजूराला भरधाव वाहनाने धडक दिली. या अपघातात मजूराचा दुर्देवी मृत्यू झाला. ही घटना सोमवारी रात्री आठ वाजेच्या सुमारास मुसळी ते वराड गावादरम्यान, घडली. मंगळवारी त्या तरुणाच्या मृतदेहाचे शवविच्छेदन झाल्यानंतर मृतदेह नातेवाईकांच्या ताब्यात देण्यात आला.
जळगाव तालुक्यातील ममुराबाद गावात बापू कुंभार हा तरूण आपल्या कुटुंबासह वास्तव्याला होता. विटभट्टीवर काम करून तो आपला उदरनिर्वाह करत होता. सोमवार दि. २४ जून रोजी बापू हा सायंकाळी दुचाकीने धरणगावकडून जळगावकडे येण्यासाठी निघाले होते. रात्री ८ वाजेच्या सुमारास मुसळी ते वराड गावादरम्यान भरधाव वेगाने येणाऱ्या अज्ञात वाहनाने त्यांच्या दुचाकीला जोरदार धडक दिली.
