जळगाव : प्रतिनिधी
रस्त्याचा अंदाज न आल्यामुळे अवजड कंटेनरचा पुढील भाग खाली उतरून हा कंटेनर रस्त्यावर आडवा झाल्याने वाहतुकीचा खोळंबा झाला. ही घटना शिरसोली ते वावडदा दरम्यान गुरुवार, २० जून रोजी रात्री नऊ वाजता घडली. रात्री एक वाजता क्रेन आल्यावर कंटेनरला हटविण्यात आले. एमआयडीसी पोलिस ठाण्याच्या कर्मचाऱ्यांनी वाहतूक सुरळीत केली. सुदैवाने या घटनेत कोणालाही दुखापत झाली नाही.
मिळालेल्या माहितीनुसार, जळगाव येथून एक कंटेनर (क्र. एमएच १९ झेड ४२०७) मुंबईकडे येथे जात होता. शिरसोली ते वावडदा दरम्यान हॉटेल फौजीजवळ चालकाला रस्त्यावरचा अंदाज आला नाही. त्यामुळे कंटेनर रस्त्याच्या खाली उतरला. पुढील चाक रस्त्याच्या खाली तर मागील भाग हा महामार्गावरच अडकला होता. त्यामुळे जाण्या-येण्याचा मार्ग बंद पडल्याने वाहतूक खोळंबली. सुदैवाने घटनेमध्ये कोणीही जखमी झाले नाही अथवा जीवितहानी झालेली नाही.
