जळगाव : प्रतिनिधी
पत्नी माहेरी गेलेली घरी एकट्याच असलेल्या मनोज गजानन साकरे (वय ३०, रा. सुप्रिम कॉलनी) या तरुणाने गळफास घेत आपली जीवनयात्रा संपवली. शेजारील मंडळींना तरुण गळफास घेतलेल्या अवस्थेत दिसला त्या वेळी ही घटना उघडकीस आली. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
सविस्तर वृत्त असे कि, शहरातील सुप्रिम कॉलनीत राहणारा मनोज साकरे हा तरुण मजुरी काम करुन उदनिर्वाह करीत होता. त्याची पत्नी माहेरी गेलेली असल्याने मनोज साकरे हा घरी एकटाच होता. रविवार दि. ९ मे रोजी सकाळी मनोज याने गळफास घेत आपली जीवनयात्रा संपवली. त्या वेळी शेजारील काही जणांना ते गळफास घेतल्याचे दरवाजातून दिसले. त्या वेळी त्यांनी साकरे यांच्या भावाला तसेच पोलिसांना माहिती दिली. त्यानंतर साकरे यांना शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकाऱ्यांनी मयत घोषित केले. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे. मयताच्या पश्चात पत्नी, दोन मुली आहेत.
