अमळनेर : प्रतिनिधी
मजा घेऊ नको सांगितल्याचा राग आल्याने एकावर लोखंडी रॉडने हल्ला केल्याची घटना दि. १२ रोजी विद्याविहार कॉलनीत घडली. अंकित चंद्रकांत देशमुख हा १२ रोजी रात्री विद्याविहार कॉलनीच्या कमानीजवळ मित्रांबरोबर गप्पा मारत होता.
त्यावेळी रवींद्र ऊर्फ विश्वनाथ पीतांबर पाटील आला. आणि त्याने अंकितच्या आईच्या नावाने गंमत सुरू केली. आईच्या नावाने गंमत करू नको, असे सांगितल्याचा रवींद्रला राग आला. त्याने अंकित याला लोखंडी रॉडने मारहाण केली. अंकित हा गंभीर जखमी झाला. त्याला तातडीने खासगी रुग्णालयात उपचारासाठी दाखल करण्यात आले. पोलिसांनी दवाखान्यात जबाब घेतल्यावरून रवींद्र पाटीलविरुद्ध गुन्हा दाखल करण्यात आला. तपास हेकॉ प्रमोद पाटील करीत आहेत.
