यावल : प्रतिनिधी
तालुक्यातील डांभुर्णी येथे शेतात रोटावेटर करीत असताना चालकाचा तोल जाऊन पडल्याने रोटावेटरमध्ये अडकून तरुणाचा मृत्यू झाला. ही घटना मंगळवारी दुपारी दोन वाजेच्या सुमारास घडली. याबाबत यावल पोलिसात नोंद करण्यात आली आहे.
सविस्तर वृत्त असे कि, डांभुर्णी येथील विजय जानकीराम कोळी (३५) हे मंगळवारी रोटावेटर करीत होते. तोल जाऊन मागे पडल्याने ते रोटावेटरमध्ये अडकले. यात त्यांचा जागीच मृत्यू झाला. याबाबत केतन रेवा फालक यांनी दिलेल्या खबरीवरून यावल पोलिसात आकस्मिक मृत्यूची नोंद करण्यात आली आहे. यावल ग्रामीण रुग्णालयात शवविच्छेदन करून मृतदेह नातेवाइकांच्या ताब्यात देण्यात आला. डांभुर्णी येथे अंत्यसंस्कार करण्यात आले. विजय कोळी यांच्या पश्चात आई, वडील, भाऊ, वहिनी असा परिवार आहे.
