वेणुगोपाल झंवर यांची अध्यक्षपदी निवड
लाईव्ह महाराष्ट्र न्यूज : जेसीआय जळगाव सेंट्रलचा पदग्रहण सोहळा शहरातील शिरसोली रोडवरील सुरभी लॉन येथे रविवारी ९ जानेवारी रोजी सकाळी पार पडला. नूतन अध्यक्ष वेणुगोपाल झंवर यांनी मावळते अध्यक्ष श्रेणिक जैन यांचेकडून तर नूतन सचिव तुषार बियाणी यांनी मावळते सचिव भावेश जैन यांचेकडून पदभार स्वीकारला.
जेसीआय जळगाव सेंट्रलची नूतन कार्यकारिणी नुकतीच जाहीर करण्यात आली आहे. रविवारी ९ जानेवारी रोजी सकाळी सुरभि लाव्नस येथे एका कार्यक्रमात पदग्रहण सोहळा पार पडला. यावेळी प्रमुख अतिथी म्हणून माजी झोन अध्यक्ष नंदलाल जयस्वाल, माजी राष्ट्रीय संचालक स्वरूप लुंकड यांचेसह आर्यन इको रिसॉर्टच्या संचालिका रेखा महाजन यांची उपस्थिती होती. कार्यक्रमात खासदार उन्मेष पाटील यांनी व्हिडीओ कॉन्फरन्सिंग द्वारे उपस्थितांशी संवाद साधत नूतन कार्यकारिणीला सदिच्छा दिल्या.
सूत्रसंचालन वेणुगोपाल बिर्ला आणि दिव्या झंवर यांनी तर आभार तुषार बियाणी यांनी मानले. यशस्वीतेसाठी ऋषभ शहा, पियुष शर्मा, निखिल कटारिया, कल्पक सांखला, चेतन सेठ, शिवनाथ जांगीड, हर्षल मंडोरे, अक्षय गादिया, अभिलाष राठी, प्रसाद झंवर यांनी परिश्रम घेतले.
