बोदवड : प्रतिनिधी
एका २४ वर्षीय तरुणीचा रेल्वेचा धक्का लागल्याने अपघाती मृत्यू झाल्याची घटना येथील रेल्वे स्टेशन परिसरात १० मे रोजी घडली. स्वाती भिमराव तायडे असे मृत तरुणीचे नाव आहे.
सविस्तर वृत्त असे कि, रावेर तालुक्यातील तासखेडा येथील रहिवासी असलेली स्वाती ही तिच्या आई व भावासोबत वरणगाव येथे वास्तव्यास होती. ती एका खासगी रुग्णालयात कामास होती. शुक्रवारी १० मे रोजी ती सिद्धेश्वर नगर येथे राहणाऱ्या मोठ्या बहिणीकडे जात असताना, स्टेशन परिसरात थोड्या अंतरावर अज्ञात रेल्वे गाडीचा जोरदार धक्का लागल्याने ती जागीच ठार झाली. याबाबत स्टेशन मास्तरांच्या खबरीवरून रेल्वे पोलिसात घटनेची नोंद करण्यात आली आहे.
