यावल : प्रतिनिधी
तालुक्यातील कासवा या गावात वेल्डिंग वर्कशॉपच्या दुकानावर बसलेल्या २८ वर्षीय तरुणाला माझ्याकडे काय बघतो. असे म्हणत चौघांनी त्याच्यासोबत वाद घातला. त्यानंतर लोखंडी रॉड तरुणाच्या डोक्यात टाकून त्याला गंभीर जखमी केले. ही घटना बुधवारी सायंकाळी घडली असून याप्रकरणी फैजपूर पोलीस ठाण्यात चार जणाविरुद्ध गुन्हा दाखल करण्यात आला आहे.
सविस्तर वृत्त असे कि, यावल तालुक्यातील कासवा येथे रुपेश हरचंद सपकाळे (वय २८) हा तरुण वेल्डिग वर्कशॉप दुकानवर बसला होता. याठिकाणी पवन संतोष सपकाळे याने येऊन माझ्याकडे काय बघतो असे सांगत वाद घातला. त्यानंतर पवन सपकाळे याच्याससह प्रशांत कैलास रायसिंगे, जितेंद्र जनार्धन सपकाळे व आनंद पुना सपकाळे सर्व रा. कासवा या चौघांनी त्याला शिवीगाळ करून मारहाण केली. तसेच सोबत असलेल्या स्टीलच्या रॉडने डोक्यावर मारून दुखापत केली. याप्रकरणी फैजपूर पोलीस ठाण्यात चौघांविरुद्ध गुन्हा दाखल करण्यात आला आहे.
