चोपडा : प्रतिनिधी
शहरातील धरणगाव नाका येथे मंगळवारी रात्री १०:३० वाजेच्या सुमारास चार अज्ञातांनी आमच्याकडे रागात का बघतो, असे म्हणत चेतन सुभाष कानडे या तरुणावर गुप्ती आणि चाकूने वार केले. घटनेनंतर हल्ला करणारे चारही तरुण चारचाकी वाहनातून अडावदच्या दिशेने पळून गेल्याचे प्रत्यक्षदर्शीनी सांगितले.
सविस्तर वृत्त असे कि, सचिन सुधाकर सोनवणे, चेतन सुभाष कानडे, कमलाकर पाटील हे तिघेही धरणगाव नाक्यावर उभे असताना रात्री साधारण १०:३० वाजेदरम्यान समोर चार व्यक्ती आपसात भांडत होते. त्यातील एकजण दुसऱ्याला चाकूने मारण्याची भाषा करीत होता.त्याचवेळी तुम्ही आमच्याकडे का पाहता, असे म्हणत चारही शिवीगाळ करत जवळ आले. त्यातील एकाने कारमधून (जीजे ०५-आरक्यू २८१५) चाकू काढला आणि चेतन सुभाष कानडे याच्या पोटात खुपसला.
विवेक विश्वास पाटील (२१, दोनगाव, ता. यावल), हितेश सुनील मिस्तरी (२०, जळगाव), दीपक कैलास पाटील (२०), रोहित कैलास पाटील (२२, दोन्हीही अकुलखेडा) या चारही आरोपींना अटक करण्यात आली.
