जळगाव प्रतिनिधी । आईस्क्रीमची ऑर्डर घेण्याच्या कारणावरून दुकानदार व सेल्समन यांच्यात तुफान हाणामारी झाली. यात एकमेकांना मारहाण करून दुकानाचे नुकसान केले आहे. याप्रकरणी शहर पोलिसांत परस्परविरोधात गुन्हे दाखल केले आहे.
सविस्तर माहिती अशी की, उमेश शांतीलाल कुमावत (वय-३७) रा. रायसोनी नगर जळगाव हे अरुण आईस्क्रीमवर कामाला आहेत. शुक्रवार ७ जानेवारी रोजी सकाळी साडेदहा वाजता त्यांच्या दुकानावर हँटसन ग्रो कपंनीचा सेल्स ऑफीसर असल्याचे सांगत त्याने लवकर आईस्क्रीमची आर्डर द्या असे म्हणत वादाला सुरवात झाली. वादाचे पर्यावसन हाणामारीत होवुन दोघांनी एकमेकांला मारहाण करत जिवेठार मारण्याच्या धमकी दिली. या वादात दुकानातील संगणकाचे नुकसान झाले. दोघांनी परस्पर विरुद्ध तक्रार दिल्यावरुन जळगाव शहर पोलिसात वेगवेगळे गुन्हे दाखल करण्यात आले आहे.
