यावल : प्रतिनिधी
शहरातून भुसावळकडे जाणाऱ्या रस्त्यावर टेलिफोन ऑफिस समोरून दुचाकीने जाताना कारने धडक सेवानिवृत्त दिल्याने मुख्याध्यापकाचा मृत्यू झाला.
मिळालेल्या माहितीनुसार, हा अपघात बुधवारी १७ रोजी दुपारी झाला. अशोक किसन तायडे (६५, रा. आंबेडकरनगर, बोरावल गेट, यावल) हे दुचाकीने जात असताना त्यांच्या दुचाकीला भुसावळकडून यावलकडे भरधाव जाणाऱ्या कारने (एम. एच. १४/ के. एफ. २१७०) धडक दिली. अनिकेत नारखेडे (रा. बुलढाणा) असे कारचालकाचे नाव आहे. या अपघातामध्ये अशोक तायडे यांच्या डोक्याला जबर दुखापत झाली. त्यांना पुढील उपचाराकरिता जळगाव जिल्हा शासकीय वैद्यकीय महाविद्यालयाच्या रुग्णालयात हलवण्यात आले होते. त्यांचा उपचारादरम्यान मृत्यू झाला. त्यांच्यावर यावल येथे सकाळी गुरुवारी १० वाजता अंत्यसंस्कार करण्यात येणार आहे.
