जळगाव प्रतिनिधी । बळीराम पेठेतील जळगाव जिल्हा पत्रकार संघातील सभागृहात गुरूवार ६ जानेवारी रोजी सकाळी १० वाजता दर्पणकार बाळशास्त्री जांभेकर यांच्या जयंतीनिमित्त आमदार राजूमामा भोळे यांच्याहस्ते प्रतिमापूजन करून माल्यार्पण करण्यात आले.
जिल्ह्यातील कोरोना रूग्ण संख्या लक्षात घेता बळीराम पेठेतील जळगाव जिल्हा पत्रकार संघातील सभागृहात पत्रकार दिन साध्या पध्दतीने साजरा करण्यात आला. आमदार राजूमामा भोळे यांच्याहस्ते दर्पणकार बाळशास्त्री जांभेकर यांच्या प्रतिमापूजन करून माल्यार्पण करण्यात आले. यावेळी आमदार राजूमामा भोळे यांच्याहस्ते पत्रकारांचा सत्कार करण्यात आला. ‘पत्रकार दिन’ मर्यादित स्वरूपात शासनाने दिलेल्या नियमावली नुसार मास्क लावून, ठराविक अंतर ठेवुन कार्यक्रम संपन्न झाला. यावेळी पत्रकार संघाचे अध्यक्ष दिलीप शिरूळे, कार्याध्यक्ष अशोक भाटिया, ग्रामीण जिल्हाध्यक्ष प्रमोद पाटील यांच्यासह पदाधिकारी, पत्रकार उपस्थित होते.
