भडगाव : प्रतिनिधी
तालुक्यातील कनाशी येथे दि.१३ च्या मध्यरात्रीनंतर ४ ते ५ अज्ञात – चोरट्यांनी चार घरे फोडत सोन्याच्या दागिन्यांसह रोकड लांबवली. एकाच रात्रीत चार घरांमध्ये घरफोडी झाल्याने ग्रामस्थांमध्ये घबराट पसरली आहे.
सविस्तर वृत्त असे कि, कनाशी येथील कजगाव-कनाशी मार्गावर तीन घरे तर तेथून काही – अंतरावर असलेले एक घर अज्ञात चोरट्यांनी फोडले. यात एका घरातील -महिलेस गेटचे कुलूप तोडत असताना आवाज आल्याने ती जागी झाली चोरट्यांना पाहून तिने आरडाओरडा करू लागताच या महिलेच्या गळ्यावर धारदार शस्त्र लावले. याच घरातील एकावर टॉमी रोखत चोरट्यांनी मुद्देमाल लंपास केला.
दुसऱ्या घरात प्रवेश करत घरातील दोन सदस्यांच्या तोंडावर गुंगीचे औषध फवारून त्यांना चोरट्यांनी बेशुद्ध केले. तसेच घरमालकाचा मोबाइल पाण्यात फेकून देत अंगणात उभ्या असलेल्या दुचाकीच्या प्लगच्या वायर कापत चार घरांमध्ये सोन्याच्या दागिन्यांसह रोख रक्कम असा ऐवज चोरट्यांनी लांबवला. दरम्यान, या घटनेबाबत तक्रार देण्यासाठी कोणीही पुढे येण्यास तयार नाही. दरम्यान, घटनेची माहिती मिळताच भडगाव पोलिस घटनास्थळी पोहचले. त्यांनी घटनास्थळाची पाहणी केली
